Recepcion deth Govèrn d’Aran as esportistes aranesi d’ADDA que participèren enes Jòcs Specials Olympics

Mès de 1.500 esportistes participèren deth 4 ath 7 d’octobre enes Jòcs Specials Olympics La Seu d’Urgell- Andorra

• Es esportistes d’ADDA obtengueren 10 medalhes: 4 d’aur, 3 de plata e 3 de bronze.

 

 

Eth sindic d’Aran, Carlos Barrera, damb era conselhèra de Salut e Benéster d’Aran, Anna Díaz e eth conselhèr de Territòri d’Aran, Jose A. Boya, an recebut aguest maitin as esportistes d’ADDA que participèren deth 4 ath 7 d’octobre enes Jòcs Specials Olympics La Seu d’Urgell- Andorra.

 

 

Des der an 2007 ADDA (Associacion de Discapacitats d’Aran) forme part d’ACELL (Federació Catalana d’Esports per a Disminuïts Psíquics) e toti es usatgèrs d’ADDA estan federadi. ACELL ei ua entitat sense ànim de lucre qu’a coma principau objectiu melhorar era qualitat de vida deth collectiu e fomentar era sua inclusion a trauès der espòrt e deth léser.

ACELL seguís era filosofia deth moviment internacionau SPECIAL OLYMPICS, qu’acuelh ath major numerò d’esportistes damb discapacitat intellectual de tot eth mon, a on er esportista ei çò de mès important e er espòrt ei er esturment entà transméter valors, en tot garantir qu’es esportistes gaudissen d’ua competicion digna, justa e equilibrada.

 

 

 

Ueit aranesi d’ADDA participèren damb mès de 1.500 esportistes enes Jòcs Specials Olympics La Seu d’Urgell- Andorra deth 4 ath 7 d’octobre de 2018, en tot obtíer 10 medalhes (4 d’aur, 3 de plata e 3 de bronze).

 

 

 

 

 

Vielha, 19 d’octobre de 2018

 

Conselh Generau d’Aran: Núria Sanjuan

Comments are closed.