Vielha, 4 d’agost de 2017.- Eth Conselh Generau d’Aran a remplaçat eth cable de seguretat deth camin deth Còth deth Hòro, que resultèc maumetut er an passat.

Eth camin senhalizat a un desnivèu de 765m e 3.000m de recorregut e compde damb senhalizacion orientativa e situacion deth cable de supòrt entà garantir ua major seguretat tas usatgèrs que decidissen utilizar era rota aranesa der Aneto a trauès deth Còth deth Hòro e pas des aranesi.

Er equipament compde de 20 pilones e punts de senhalizacion verticau damb ua mèrca de pentura reflectant de color jauna entà facilitar era sua visualizacion en cas de bruma o net.
Er anclatge deth cable ei present enes trams a on eth terren ei de pèira e a mès desnivèu.