Segons aguest protocòl, cau realizar diuèrses intervencions de condicionament damb er exemplar entà tractar de cambiar es sues abituds.

Aguestes accions consistissen en un conjunt de tecniques qu’includissen er usatge de pirotècnia, bales de fogueig, … que cau aplicar quan er animau realize era conducta inadequada.

       Imatge de Goiat dempús de cambiar-li el colhar era passada tardor.

Ager tàs 02:00 dera maitiada, er os Goiat ataquèc un potro de pòqui dies d’edat en municipi d’Arres.

Aguest ei eth prumèr atac a bestiar que Goiat a realizat dempús de finalizar eth periòde d’iuernacion, tanben en municipi d’Arres. Aguest atac a hèt que s’active era dusau fasa deth protocòu d’Intervencion damb ossi en Pirenèu, aprovat per totes es administracions pirenenques (Generalitat de Catalunya, Conselh Generau d’Aran, Govèrns d’Aragon e Navarra) e eth Ministèri entara Transicion Ecologica.

                                                    Potro depredat per Goiat era maitiada deth 14 d’abriu.

Segons aguest protocòl, cau realizar diuèrses intervencions de condicionament damb er exemplar entà tractar de cambiar es sues abituds. Aguestes accions consistissen en un conjunt de tecniques qu’includissen er usatge de pirotècnia, bales de fogueig, … que cau aplicar quan er animau realize era conducta inadequada.

Se mejançant aguestes mesures non s’artenh era intencion perseguida, s’elevarà ath grop de trabalh previst ath Protocòl entà per’mor qu’avalore se cau extrèir-lo deth miei.

Vielha, 15 d’abriu de 2019

Conselh Generau d’Aran: Núria Sanjuan