Se reprenen es visites familhaus ena Residéncia Sant Antòni

  • Dempús d’auer estat catalogat peth Departament de Salut coma centre iranja, es residents dera Residéncia Sant Antòni dejà pòden recéber, a compdar d’aué, visites familhaus e se tornen a daurir es espacis comuns, tostemp respectant es mesures mercades pes autoritats sanitàries

Era Residéncia Sant Antòni de Vielha a reprenut aué, dimars 16 de hereuèr, es visites as usatgèrs e usatgères deth centre, dempús d’auer estat catalogada coma centre iranja peth Departament de Salut dera Generalitat. Pr’amor d’aguesta catalogacion, se daurissen tanben es espacis comuns deth centre, dempús de quauques setmanes sense auer podut recéber visites ne hèr a servir aguesti espacis.

Per motius de seguretat, se mantieràn es protocòls establidi pes autoritats sanitàries, en tot mantier es unitats de convivéncia, sauvar es distàncies de seguretat e hèr usatge des dispositius de seguretat (masquetes, guants, mampares de policarbonat).

Actuaument, lèu era totalitat des usatgèrs deth centre de dia e residents, atau coma personau sanitari e essenciau dera Residéncia an recebut dejà es dues dòsi dera vacuna de Pfizer contra era COVID-19, en tot obtier atau era immunitat de grop.

Comments are closed.