Setmana Santa ena Val d’Aran Esquí… e fòrça mès

Vielha, 24 de març de 2017.- Era Val d’Aran ei ua excellenta eleccion entà ues vacances de Setmana Santa, aufrís un entorn unic entà gaudir dera desconnexion e eth silenci en paratges de grana beresa e glèises romaniques que conviden ara reflexion e meditacion, en tot passar pera melhor nhèu d’Espanha en Baqueira Beret e era aventura mès extrèma en montanhes, barrancs e arrius.

Era Val d’Aran ei era destinacion ideau entà visitar en familha damb activitats en contacte damb era natura, ath delà de prepauses culturaus e ludiques enes musèus e pòbles dera val. Tot açò sense desbrembar qu’era val dispòse d’ua excellenta aufèrta comerciau e gastronomica entà toti es gosti.

actividades_de_nieve1

Activitats damb mainatges
Es mès petiti non auràn temps entà aborrir-se damb fòrça distraccions especiuaments dirigides a eri. Divertir-se enes parcs infantils de Baqueira o apréner enes escòles d’esquí, conéisher as ossi e as encantadors animaus deth parc de fauna Aran Park, víuer apassionantes aventures en Naturaran o passar ua tarde agradabla en tot patinar en Palai de Gèu de Vielha.

 

Activitats de nhèu
Encara ètz a temps de profitar es darrèri dies dera sason d’iuèrn enes pistes de Baqueira Beret, en tot practicar er esquí, eth snowboard o d’auta que sigue des multiples activitats de nhèu que se realizen ena estacion. Es centres d’òci esportiu dera val aufrissen tanben polides gessudes damb raquetes de nhèu o free ski entà descorbir es lòcs mès amagadi. Sense desbrembar eth heliesqui, ua des activitats mès impressionant que se pòden realizar en Setmana Santa.

 

Romanic Musicau

Eth Romanic Musicau ei ua formula que combine explicacions sus es glèises romaniques dera Val d’Aran damb concèrts de musica classica, entà apropar as toristes ara istòria der auviatge aranés e mostrar era evolucion des monuments dera Val religada ara des sues costums e es sues tradicions.
Aguest cicle gratuït refortilhe eth programa de visites guidades ar auviatge qu’amie a tèrme eth Conselh Generau d’Aran.

Es concèrts de Setmana Santa son:
Diuendres 04/14/2017 – Glèisa de San Andrés de Salardú – Ora: 20: 45h
Domingo 04/16/2017 – Glèisa dera Purificacion de Bossòst – Ora: 19: 30h

 

????????????????????????????????????

Natura
Era melhor manèra de descorbir er entorn naturau dera Val d’Aran son es excursions, ja siguen de senderisme e ciclotorisme o inclús a shivau. Es burèus de torisme dera Val dispòsen de tota era informacion actualizada sus es pistes e accèssi dauridi en cada epòca der an, prepausen polides gessudes avientes as preferéncies e besonhs des visitants e aconselhen sus enterpreses de guides especializades qu’ajuden a conéisher eth territòri dera forma mès segura.

visualizacion-fauna-large

Aventura
Rafting, hydrospeed, Surfing Kayak, piragüisme, descenuda de barrancs… E entàs mès valents, es emocions fòrtes des vies ferratas. Ena Val d’Aran existissen tres damb desparièrs recorreguts e nivèus de dificultat: Via Ferrata de Les, Via Ferrata Poi d’Unha e Via ferrata de Cledes de Les.

Cultura
Vos encantaràn es visites enes pòbles dera val, cadun d’eri damb era sua glèisa, quauques d’eres, autentics tresaurs tant pera sua qualitat arquitectonica coma pes pentures o conjunts esculturaus que trobam en sòn interior, un legat artistic de grana varietat e excepcionau riquesa. Vos animam a descorbir-les a trauès des Rotes tematiques culturaus pera Val d’Aran.

Tradicions
Entàs seguidors des tradicions de Setmana Santa, es processions que se celèbren Bossòst, er unic pòble dera val que les a conservades de manèra mès pura, an lòc eth Diuendres Sant e Dimenge de Pasca e s’an convertit en un element patrimoniau dera localitat, de gran interès toristic e culturau.

 museos-large

Aran Total Bike. Ciclotorisme
Aran Total Bike, ei eth nau microsite dedicat a totes es modalitats deth ciclisme amateur que se practiquen ena Val d’Aran. Lotjat ena web de Torisme de Val d’Aran, damb quasi un centenat de seccions e en 4 idiòmes, s’a convertit en espaci de referéncia.
Eth microsite, ei inventat entà aufrir eth maximal servici ath visitant. En eth se tròben descrites es 30 rotes deth Centre BTT dera Val d’Aran classificades per nivèus: facils, mieges, dificils e fòrça dificils. Ath delà des donades tecniques de cadua d’eres -distància, desnivèu, temps aproximat de realizacion e tracks GPS- se descriu er itinerari e es elements d’interès e vegetacion autoctòna que se tròben en cadua d’eres.
Aran Total Bike includís tanben un complèt apartat dedicat ath ciclotorisme damb tota era informacion sus es pòrts aranesi: 7 senhalizats e 9 non senhalizats ; e sus es dues rotes per excelléncia: Li Défi Occitain e Vielha circular. Atau madeish, s’a destinat un espaci tàs quate gran rotes que passen pera Val d’Aran: Aran Aneu, Era Roda, Pedals de Foc e Pedals d’Occitània; e es apassionadi des descenudes de montanha trobaràn tanben itineraris e zònes senhalizades de DH e Enduro.

etapa3

Pintxo Pote e Productes dera Val d’Aran
Era tradicion deth pincho aterrèc ena Val d’Aran procedenta dera man de codinèrs bascs establidi en tèrres araneses. A era sua origina enes tapes que servien es bars des pòbles: es tipics callos, ensaladilla, truhes braves o trueita de truha que, damb imaginacion e creativitat culinària s’an convertit en autentiques meravilhes e an artenhut instaurar era mòda deth “picoteo” ena Val.
Es productes artesanaus pròpris dera Val d’Aran son, sense dobte, un des melhors arrebrembes que pòt emportar-se eth torista que mos visite.

Acorropadi toti eri jos era marca de garantia Val d’Aran, son er eretatge d’ua cultura gastronomica damb caractèr pròpri. Ua codina de montanha qu’a es sues origines enes recèptes gostóses e energetiques qu’ajudauen as nòsti ancessors a combàter eth heired e que, damb es ans, s’an convertit en elaboracions apreciades pes gosti mès exigenti.
Embotits e patès, mèu e confitures, hormatges e Iogort, begudes mestieraus coma era sidra e era cervesa, doces, tronquets e coquilhons, excellent caviar… toti eri profiten era qualitat des recorsi naturaus qu’aufrís era Val d’Aran, mantien ua produccion artesanau en origina, seguissen era recèpta originau e respècten eth sòn sabor tradicionau.

biera

Shopping
Era rota des botigues araneses passe per Vielha, Bossòst, Les, Arties e Baqueira sense desbrembar es ancians comèrci qu’an suberviscut en cadun des caracteristics pòbles.
En cap-lòc, Vielha, es grani magasèms e boutiques de mòda aufrissen es darrères novetats, exibissen veirina ath costat d’exclusives botigues especializades en materiau e ròba esportiua de montanha damb es melhors mèrques ath costat de singulars establiments d’estil aupin. Bossòst e Les, dispòsen tanben d’un animat centre comerciau, damb variada aufèrta d’alimentacion e consum, equipaments entara persona, òci e cultura. En Arties trobaram botigues e establiments damb encant e en Baqueira tota era aufèrta comerciau de Baqueira 1.500 e d’era Val de Ruda.
En Bagergue e Era Bordeta estonen ath visitant damb excellenti hormatges mestieraus, en Garòs e Bausen damb mèu de produccion limitada e nauta qualitat e en Casarilh damb era prumèra cervesa mestierau aranesa, qu’incorpòre es recorsi naturaus dera Val.

 

Entà mès informacion:

http://www.visitvaldaran.com/15-guias-y-libros-ilustrados-sobre-la-val-daran/

http://www.visitvaldaran.com/diez-propuestas-para-disfrutar-de-la-val-daran-esta-primavera/

Comments are closed.