Vielha, 19 de març de 2019.- Tomás Barata esquiaire deth Club CEVA realizèc ua grana carrèra enes finaus dera Còsta Est d’USA en Sugarloaf, en estat de Maine, a on artenhec pujar ath pòdium damb era 3au posicion en GS e era 4au en SL, damb aguesti resultats qu’artenhec eth classament dirècte entàs Nationals USA que se celebraràn deth 30 de març ath 6 d’abriu en Colorado.

Dani Larriu 4au e Aran Clotet 8aua en GS deth XXIII Top CAEI

Per d’auta part, Dani Larriu e Aran Clotet deth Club CEVA, participèren aguesta dimenjada ena XXIII edicion deth Top CAEI disputat en Estadium de Beret. En GS masculin, Dani Larriu, acabèc en 4au posicion e Aran Clotet acabèc 8aua en GS femenin. Arrieta Rodríguez, esquiaira formada en CEVA, se classifiquèc 5au en GS.

Es esquiaires deth Club CEVA aueren era oportunitat d’assistir amassa damb es sòns entrenadors e familhaus en GrandValira as finaus dera Copa deth Mon FIS d’Esquí Aupin 2019 a on es 25 melhors esquiaires de cada especialitat deth circuit mondiau se disputèren es títols enes disciplines de slalom, slalom gigant, supergigant e descenuda, tant en categoria masculina coma femenina. Es gojats e gojates deth CEVA gaudiren damb era victòria dera nòrd-americana Mikaela Shiffrin que tornèc a demostrar pr’amor qu’ei era numèro 1 mondiau der esquí femenin e era accion der austrian Marcel Hirscher que lheuèc eth sòn 20au Glòb de veire ena Copa deth Mon.

Info e fotos: Club CEVA