UN AUTA GRANA DIMENJADA ENTÀS ESPORTISTES DETH CAEI

 

Ara seguida vos detalham es resultats des competicions enes quaus an participat es diferentes equipes deth Club Aranés Espòrts d’Iuèrn (CAEI) aguesta dimenjada.

Era equipa U10/U12 se desplacèc ara estacion aragonesa de Cerler entà disputar Eth Trofèu Pitarroy.

Eth trofèu Pitarroy, deu eth sòn nòm a un audèth tradicionau dera Val de Benasque, ei ua carrèra entàs categories U-10 e U-12 e en aguesta edicion i auec ua participacion de naut nivèu damb clubs de tota Espanha.

Eth dissabte, 24 de març, se celebrèc un GS a on er aranés, Marc Ubeira, siguec eth vencedor e Daniela Chalbaud demorèc ena tresau posicion. Toti dus ena categoria U12.

Eth dimenge, 25 de març, siguec eth torn deth SG e Marc Ubeira tornèc a pujar ath pòdium, aguest còp ath dusau calaish.

Era equipa d’Interclubs se desplacèc enquia Andòrra entà disputar ena estacion d’esquí de Pas de la Casa era finau dera liga d’aguesta categoria e tornèren tà casa damb uns plan boni resultats.

SL Dissabte, 24 de març:

Josep Fernández: 1r Vet B
Aina Masip: 1ª U16
Ana Chesa: 3ª U16
Irene Aris 1ª U14
Julia Feixa: 2ª U14

SL Dimenge, 25 de març:

Josep Fernández: 1º Vet B
Aina Masip: 1ª U16
Ana Chesa: 2ª U16
Julia Feixa: 1ª U14
Claudia Capdevila: 2ª U14
Julia Feixa: 3ª U14
Miquel Llargués: 3º U14

Classificacion finau Liga Catalana Inetrclubs:

Josep Fernández: 3º Vet B
Aina Masip: 1ª U16
Ana Chesa: 2ª U16
Julia Feixa: 2ª U14
Irene Aris 3ª U14

Pera sua part, era equipa d’U18/U21 disputèc ena estacion d’Espot eth Campionat de Catalonha absolut e cau soslinhar eth titòl de campions de Catalonha ena modalitat de GS tà Miren Miquel (corredora deth CAEI jos era disciplina dera equipa dera FCEH) e Jon Martínez.

En Candanchú (Aragon) se celebrèren es Campionats d’Espanha d’esquí de hons, a on es atletes aranesi deth CAEI obtengueren grani resultats.

Marta Céster: 1ª SEN
Marta Moreno: 3ª U16
Pablo Moreno: 2° U12

 

 

Fin finau era equipa de snowoard disputèc en Formigal eth Campionat d’Espanha de SBX a on es araneses: Sara Donés, Lua Moga e Anna León artenheren un triplet entath CAEI en tot aucupar era prumèra, dusau e tresau posicion respectivaments ena categoria infantila.

 

 

Tanben cau hèr ua mencion especiau as mès petiti deth club qu’eth dissabte peth maitin participèren ena CORSA CONSELH ESPORTIU DERA VAL D’ARAN.

 

 

 

Vielha, 27 de març de 2018

 

Conselh Generau d’Aran: Núria Sanjuan

Hònt e fotos: CAEI

Comments are closed.