Gran dusau posicion de Hugo Soler Duffo dempús de guanhar era dusau manja deth Gigant U16 en Espot

Era equipa de Freeride Jordi Tenas dominador deth FWQ** deth Eldorado Freeride Junior Boi Taull damb era 1a posicion de Martina Rufin e era 3au e 4au posicion entà Teo Carné e Alejandro Soler

Marc Montes deth Club CEVA vencedor ena 1a edicion dera espectacular Era Nocturna en Baqueira Beret

Vielha, 19 de hereuèr de 2019.- Grani resultats entàs esquiaires deth Club CEVA aguesta dimenjada enes desparières competicions disputades.

Er esquiaire deth Club CEVA Guillermo Meire García se proclamèc vencedor der SL U16 der IX Trofèu Espot Esquí. Pera sua part Hugo Soler Duffo Martínez se classifiquèc en 2au posicion en Gigant U16 de Espot dempús de guanhar era dusau manja. Cau destacar es resultadi d’Eugene Brotons Batista 6au e Emma Del Rio Sergi 7au en Gigant femenin. Pablo Pleguezuelos Rico siguec 11au en Gigant masculin e Jan Jorge Berge se classifiquèc ena 13au posicion. En SL U16 Eugene Brotons siguec 9au.

Tanben aguesta dimenjada dempús d’èster ajornat s’a disputat eth FWQ** deth Eldorado Freeride Junior 2019 en Boi Taull qu’era equipa de Freeride Jordi Tenas deth Club CEVA resultèc eth clar dominador damb era 1a posicion de Martina Rufin en categoria femenina e era 3au posicion de Teo Carné, era 4au d’Alejandro Soler e era 6au d’Unai Huidobro en categoria masculina.

Ena espectacular prumèra edicion dera carrèra Era Nocturna celebrada era dimenjada en Baqueira Beret er esquiaire deth Club CEVA Marc Montes siguec eth guanhador dempús de disputar eth Gigant clasificatori deth maitin e auçar-se damb era victòria en eslalom parallel pera tarde.

Info e fotos: Club CEVA