XIII Jornades Micologiques dera Val d’Aran, “Profitament des misharnons ath long dera istòria”

  • Enguan aguesta jornada aurà lòc pendent es dies 12 e 15 de seteme

  • Era finalitat des activitats que se realizaràn ei mostrar era gran riquesa micologica deth país, atau coma dar a conéisher d’auti aspèctes coma es usatges des misharnons

Un an mès, profitant era entrada dera tardor, eth Conselh Generau d’Aran, damb era collaboracion dera Societat Catalana de Micologia e er Ajuntament de Les, organize es Jornades Micologiques dera Val d’Aran, qu’enguan celèbren era sua 13au edicion.

Pendent es dies 12 e 15 de seteme s’an organizat un seguit d’activitats relacionades damb era remassada e estudi des misharnons. Aguest ei eth programa:

Dijaus, 12 de seteme:

9:00-14:00 ores – Gessuda de camp, eth lòc depenerà dera climatologia. Punt d’amassada: Conselh Generau d’Aran

Diuendres, 13 de seteme:

9:00-15:00 ores – Gessuda de camp, eth lòc depenerà dera climatologia. Punt d’amassada: Conselh Generau d’Aran

9:00 ores – Divulgacion sus es hongs enes escòles dera Val d’Aran a cargue dera sra. Sara Arjó, educadora ambientau, e eth sr. Josep Carreras, membre dera Societat Catalana de Micologia

Dissabte, 14 de seteme, en Ajuntament de Les:

18:00 ores – Presentacion dera jornada tecnica a cargue deth mgfc sindic d’Aran, Francés Boya.

18:15 ores – Charrada “Es usatges e profitaments des hongs”, a cargue deth sr. Josep Gibral, president dera Societat Catalana de Micologia e professor emerit dera UAB.

19:15 ores – Torn dubèrt de paraula

19:30 ores – Barrament dera jornada

Dimenge, 15 de seteme

9:00-15:00 ores – Gessuda de camp, eth lòc depenerà dera climatologia. Punt d’amassada: Conselh Generau d’Aran

Ath delà, se poirà visitar era exposicion de misharnons dera Val d’Aran en Ajuntament de Les pendent es dies 14 e 15 de seteme.

Aguestes activitats an coma finalitat mostrar era gran riquesa micologica deth país, atau coma dar a conéisher d’auti aspèctes coma es usatges des misharnons o era importància qu’an agut es hons ath long dera istòria.

Coma tostemp, es activitats son gratuïtes, mès es places son limitades, atau que cau inscriuer-se entà poder participar. Entà formalizar era inscripcion se pòt picar ath 973 64 18 01 e demanar peth responsable dera activitat, Gerard Vilò, o ben adreçar-se a eth via e-mail ath corrèu electronic g.vilo@aran.org. Tanben se pòt realizar era inscripcion mejançant eth servici d’inscripcions a jornades del PATT deth portau RuralCat.

Comments are closed.