14 Medalhes entara natacion aranesa

Eth passat dissabte, 11 de mai, 29 mainatges deth grop de Tecnificacion deth Palai de Gèu de Vielha participèren ara Finau Territoriau de Lhèida de natacion, que se celebrèc ena piscina de Pònt de Suert.

Eth Dia Internacionau des Musèus, eth 18 de mai, se celèbre annaument jos ua devisa: “Musèus (memòria + creativitat) = progrès sociau”. Julien Anfruns, director generau der ICOM, precise: “Es musèus s’esfòrcen en trapar era conciliacion dera sua tradicionau mission de conservacion damb eth cultiu dera creativitat, de besonh entara sua renovacion e entà aumentar eth nombre de visites, e an era fèrma conviccion de qu’era sua preséncia e es sues accions pòden cambiar era societat de manèra constructiva.”

Eth Conselh Generau d’Aran a rebastit era hièstra gotica de meddia dera glèisa de Santa Maria d’Arties, en tot recuperar es atributs iniciaus e en tot méter en valor es pèces recuperades dera madeisha, e qu'encara consèrven bères policromies.

Eth Conselh Generau d’Aran a installat sensors que mesuren eth nivèu des arrius, entà pr'amor de controtlar es creishudes e preveir possibles inondacions.

Eth deputat de CiU per Aran, Àlex Moga, pendent era sua intervencion en Parlament de Catalonha, a sollicitat ara Generalitat de Catalonha a començar era tramitacion dera naua Lei d’Aran, en marc deth 700 anniversari dera sua reconeishença nacionau. Moga a arrebrembat qu’ “era actuau Lei d’Aran creèc un govèrn damb capacitat de gerir era cultura, joenessa, servicis sociaus, torisme, es nòsti bòsqui... e tanben mos a permetut potenciar era nòsta lengua, fomentar-la e introdusir-la enes escòles”. Er Estatut deth 2006 consagre era realitat d’Aran en Article numèro 11.

Eth conselhèr Santi Vila damb eth sindic d'Aran, Carlos Barrera, pendent era sua visita ara Val d'Aran eth passat mes de març.

Eth Govèrn dera Generalitat de Catalunya a impulsat era execucion de trebalhs entà estabilizar diuèrsi talussi ena carretèra C-28, entre Salardú e Baqueira, afectadi per desprendiments pendent era sason d’iuèrn. Era accion consistís ena execucion de murs de pèira formigonada que permeteràn contier es tèrres e evacuar era aigua acumulada en interior des talussi.