Eth departament de Cultura e Politica Lingüistica a presentat era revista infantila Papagai, publicada pera editoriau occitana Vistedit damb eth supòrt deth Conselh Generau d’Aran e es Conselhs Generaus des regions occitanes der aute costat dera termièra, coma Aquitània, Midi-Pyrenées e Languedoc Roussillon. Papagai ei ua publicacion adreçada entàs mainatges de quate a ueit ans qu’a estat adaptada ar occitan aranés per airau de Politica Lingüistica. Era cap de Cultura e Politica Lingüistica, Maria Vergés, a explicat qu’era revista gesserà cada trimesadèr en tot coincidir damb es tempsi escolars, donques a estat concebuda entà “garantir era lectura ena lengua pròpria d’Aran enes prumèri ans d’escolarizacion des mainatges”. Ath delà, atau coma a rebrembat per miei d’un enregistrament sonor eth sòn cap redactor David Grosclaude, existís dejà era revista Plumalhon entàs mainatges de ueit a dotze ans en version occitana-gascona. Grosclaude s’a felicitat pera collaboracion damb eth Conselh Generau en tot que refortilhe “es ligams d’Aran damb Occitània” entà normalizar era lengua comuna qu’andus encastres territoriaus compartissen.

Eth conselhèr Hipólito Cruces renóncie ath cargue entà dedicar-se de plen ath sòn mestièr


Eth Plen deth Conselh Generau a dat lum vèrda entara modificiacion de crèdit deth pressupòst generau prorrogat adreçada entà invertir en Centre d’Acuelhuda Toristica (CAT) de Les, era Mòla de Betren e eth Parc de Fauna deth Portilhon, entre d’autes actuacions de promocion economica.