Aguesta dimenjada, deth 2 ath 4 de mai, eth CEGVA tanben i serà present ena Copa Internacionau Ciutat de Barcelona Open

Era pista de gèu de Lobete, en Logroño, acuelhec era passada dimenjada era disputa deth Campionat d’Espanha des categories Debs, Basic e Novice e era Copa Federacion apertenenta ara categoria 2au Júnior e Sènior. En aguesta competicion se dèren cita un totau de 115 patinadors e patinadores provenentes de 14 clubs der estat espanhòu, des quaus 7 patinadors èren deth Club d’Espòrts de Gèu Val d’Aran.

Destacam es bones posicions artenhudes pes patinadors deth club aranés.

Per ua auta banda, es patinadors e patinadores deth CEGVA preneràn part aguesta dimenjada dera competicion Copa Internacionau Ciutat de Barcelona Open, puntuable entara Liga Catalana 2013-2014.

Era pròva ei adreçada a totes es categories de patinatge artistic, tant autonomiques A e B coma nacionaus, atau coma era modalitat de balet sus gèu en totes es sues categories.

Aguesta acompeticion darà per finalizada era bona campanha qu’a realizat eth CEGVA pendent eth 2013-2014.