• Aingeru Garai, en tot representar ar IES d’Aran e apertenhent ath Centre de Tecnificacion dera Val d’Aran, obtenguec un dusau lòc en Eslalom Categoria I.
• Pera sua banda, Marta Jiménez, tanben der IES d’Aran e apertenhenta deth Centre de Tecnificacion Val d’Aran, demorèc en un meritòri quatau lòc en Gigant Categoria II.

Eth heired dominèc ena prumèra jornada deth Campionat deth Mon d’Esquí Aupin Escolar, encara que non siguec un empach entà celebrar, coma ère previst, er Eslalom Categoria I e eth Gigant Categoria II. A prumères ores era manca de visibilitat e ua temperatura de 10 grads jos zèro, damb un vent de 60km/h hec qu’era sensacion termica siguesse de 20ºC.

Era pista Prado de las Monjas ena Loma de Dilar siguec eth scenari dera competicion, tant d’Eslalom coma deth Gigant. En aguesta escadença era qualitat dera nhèu ère perfècta e era pista ère es bones condicions entà disputar er eslalom en er orari previst. Non atau eth Gigant que segons es tecnics e per arrasons de seguretat s’ajornèc enquiàs 12.30h, moment en quau gessec eth prumèr corredor d’aguesta disciplina.

Er Eslalom, mercat per 52 pòrtes damb gessuda ena còta de 2.725m, arribada en 2.425m dera pista Prado de las Monjas e 300 mètres de desnivèu, auec coma vencedors:

BOYS Eslalom CAT I

1º Lukas Titscher (AUT) 1:28:53
2º Aingeru Garai (SPA) 1:28:93
3º Mateo Hita (FRA) 1:29:95

GIRLS Eslalom CAT I

1º Michelle Niederwieser (AUT) 1:32:63
2º Anouck Errard (FRA) 1:33:49
3º Ana Oller (SPA) 1:33:63

Eth Gigant, tanben celebrat ena pista deth Prado de las Monjas, damb còta de gessuda en 2.725m, arribada en 2.565m. e 160 mètres de desnivèu, auec eth següent classament:
BOYS Gigant CAT II

1º Remy Falgoux (FRA) 1:35.83
2º Matthieu Bailet (FRA) 1:36.29
3º Fabio Gstrein (AUT) 1:36.53

GIRLS Gigant CAT II
1º Bianca Venier (AUT) 1:37.82
2º Antonia Walcha (AUT) 1:38.82
3º Claudia Stueckler (AUT) 1:39.64
4º Marta Jiménez (SPA) 1:39:74

Cau destacar eth bon papèr dera rèsta des representants der IES d’Aran apertenhents ath Centre de Tecnificacion dera Val d’Aran:

BOYS Eslalom CAT I
9º Ramón Barrufet (SPA)
14º Borja Sabugal (SPA)
19º Marc Montes (SPA)

BOYS Gigant CAT II

14º Marc Tabernero
15º Toni Puig
18º Joan Ureña
19º Nil Sellas

GIRLS Gigant CAT II

7º Barbara Vives
12º Silvia Vila
18º Julia Casanovas

Es representants der IES d’Aran son acompanhadi pera professora Lourdes España e pes entrenadors May Peus, Pep Puyol e Willy Churruarín.
Aué era competicion s’invertís, er eslalom ac disputaràn es gojats e es gojates dera categoria II e es gigants gojats e gojates dera categoria I.