• Er aranés, Oriol Filella, obtenguec eth subcampionat ena categoria U-15 Masculin
• Ena categoria U-15 Femenin, es araneses, Sara Donés, se proclamèc campiona dera categoria e Anna León guanhèc ena “Small Final”
• Er aranés, Guilhem Berini, finalizèc ena 7au posicion ena categoria U-17 Masculin
Dimenge passat, 2 d’abriu, se celebrèc eth Campionat Nacionau Andorran de SBX ena estacion d’esquí d’Ordino-Arcalís.
Claregèc en tot nheuarar, damb vent e lèu sense relèu per moments e temperatures de -3ºC en circuit, en tot generar atau qu’as corredors les calesse agudizar es sòns sentits ath maximal des sues possibilitats entà trèir eth melhor partit enes manges de classament.
Eth circuit bastit especificaments entath desvolopament deth SBX, supausèc un esfòrç plus per part des corredores e corredors entà adaptar-se a un traçat fòrça exigent.
Eth Club Aranés d’Espòrts d’Iuèrn (CAEI) anèc ara cita damb desir de mesurar-se en SBX as melhors corredors nacionaus d’aguesta disciplina, qu’aguesta sason amassèc a 86 inscriti.
Eth club ECOA e era FAE organizen cada an aguest eveniment exclusivaments ena disciplina de boardercross des dera categoria U-10 enquia Sènior.
Riders andorrans, francesi e estataus provenenti de diferentes parts de tot eth Pirenèu s’amassen cada an en aguest circuit entà mesurar es sues fòrces ena disciplina deth boardercross que tanti adeptes a agarrat enes darrères sasons.
Eth boardercross consistie en un circuit damb diferentes corbes “peraltades” e “dubies”, ath delà de 3 “kickers”. Enes sauts es mès petiti poderen escuélher entre sautar o absorbir en toti eri, per contra es mès grani gaudiren en tot sautar pendent eth recorregut deth traçat.
Enes finaus podérem gaudir de mès moments de visibilitat e relèu en tot provocar qu’es K.O.S anèssen mès dinamics e espectaculars.
Fin finau entà barrar era pròva se heren tòies e regals en liurament de prèmis en pòdium deth chalet ECOA.
Era seccion de snowboard s’adjudique 2 pòdiums ena pròva de SBX:
Er aranés, Oriol Filella, obtenguec eth subcampionat ena categoria U-15 Masculin.
E ena categoria U-15 Femenin, es araneses, Sara Donés, se proclamèc campiona dera categoria e Anna León guanhèc ena “Small Final”.
Pera sua banda, eth tanben aranés, Guilhem Berini, finalizèc ena 7au posicion ena categoria U-17 Masculin.
Vielha, 5 d’abriu de 2017
Conselh Generau d’Aran: Núria Sanjuan
Hònt e foto: CAEI