Campanha de sensibilizacion sus residus urbans deth Conselh Generau d’Aran

Vielha, 28 de deseme de 2017.- Eth Conselh Generau d’Aran a trauès deth servici de gestion de residus municipaus hè ua crida ara sensibilizacion des abitants dera Val d’Aran e des visitants en aguestes dates de Nadau quan s’incremente eth nombre de persones qu’utilizen aguest servici.

Eth Conselh Generau d’Aran gestione eth servici de recuelhuda de residus en tota era Val d’Aran per delegacion des ajuntaments. Es dates de Nadau, An Nau e Reis, son de fòrça afluéncia de visitantes, çò que pòt comportar qu’en moments puntuaus se produsisque cèrta acumulacion de residus ath torn des contienedors, maugrat auer refortilhat eth servici .

Es responsables deth servici de residus, arregraïssen era collaboracion e responsabilitat individuau de toti es ciutadans e ciutadanes, atau coma tanben avaloren que se comunique quin tipe que sigue d’incidéncia sus eth madeish.

Des deth Conselh Generau d’Aran s’arrebrembe que:

  • Non s’a de deishar en cap cas materiau voluminos (mòbles, electrodomestics ..) enes contienedors. Utilize eth centre de recuelhuda de deluns a diuendres de 8:30 a 13:00 ores e de 15:00 a 18:00 ores, e dissabtes de 10:00 a 13:00 ores. Deluns tarde barrat.
  • Es comèrci de Vielha: utilizen eth servici pòrta a pòrta de carton comerciau.
  • Se tròbe contienedors saturadi pòt dirigir-se as contienedors deth parcatge des militars.
  • Respectar er orari entà depausar era lordèra enes respectius contienedors, de 19:00 ores enquias 7:00 ores deth maitin.

Entre toti podem beneficiar es espacis de convivéncia. Ajuda-mos a seguir en tot melhorar.

Comments are closed.