• Eth colièr a estat localizat en bones condicions en un paratge de dificil accès ena Ribagoza aragonesa e Goiat serà encara identificable pes marques auriculars que pòrte

Eth passat 15 d’octobre, er os Goiat perdec eth colièr GPS que permetie conéisher era sua localizacion. Eth colièr siguec localizat ena comarca dera Ribagorza aragonesa, en un lòc de dificil accès a on i auie eth jaç en quau auie descansat pendent eth dia.

En recéber es darrères localizacions der os, dempús de 15 dies sense comunicacion, s’observèc era manca de desplaçaments e eth passat dimars, dia 3 de noveme, se podèc recuperar eth colièr, que se trape en bon estat e permeterà recuperar localizacions non enviades o donades d’activitat der exemplar des dus darrèri ans.

Goiat serà encara identificable per marques auriculars que pòrte.