Era Val d’Aran acuelh era Assemblada Generau dera Associacion Espanhòla de Guides de Montanha

Pendent dus dies, era Escòla de Tecnics Esportius dera Val d’Aran (ETEVA) ei era sedença dera Assemblada dera Associacion Espanhòla de Guides de Montanha

guias montana

Es dies 15 e 16 de deseme, era Associacion Espanhòla de Guides de Montanha (AEGM) celèbre era sua Assemblada annau ordinària ena Escòla de Tecnics Esportius dera Val d’Aran (ETEVA).

Javier Garrido, guida de montanha de Jaca, ei eth president dera associacion nacionau a on actuauments en formen part mès de cinc cents membres.

Era Associacion se creèc er an 1993 damb er objectiu de solucionar es aspèctes restacadi damb era formacion e era capacitacion professionau, atau coma era reconeishença e regulacion der exercici dera profession en tot representar ad aguest collectiu deuant organismes e institucions oficiaus der Estat e des diferentes Comunitats Autonòmes

Era AEGM ei ua associacion arreconeishuda des der an 199 pera UIAGM e UIMLA, institucions internacionaus d’implantacion en tot eth mon e d’anautit prestigi, en tot aucupar un lòc enes comitats executius d’aguestes associacions.

Des dera Associacion se contunhe reivindicant eth sòn trabalh e era sua posicion enes activitats ar aire liure, a on tostemp, çò de mès segur ei anar acompanhat d’un d’aguesti professionaus que son es que melhor coneishen eth mejan.

Era Escòla de Tecnics Esportius dera Val d’Aran (ETEVA) signèc un convèni de collaboracion damb era AEGM damb era fin trabalhar amassa pera qualitat dera formacion e era sua reconeishença internacionau.

Comments are closed.