Es nedadors aranesi deth Vielha Swim Team: Ari Boya e Bertrand Sirat, participèren era passada dimenjada, 18 e 19 de mai, damb era seleccion de Lleida ena Finau per Delegacions de Catalunya que se disputèc enes piscines Win Complex Esportiu de Tortosa, damb era participacion de 943 nedadores e nedadors de clubs catalans.
Era seleccion de Lleida participèc damb 44 nedadors apertenenti ath CN Cervera, Club Inefc- Lleida, CN Tarrega, CN Lleida, CEN Balaguer, Vielha Swim Team e CN Mollerussa enes categories benjamin e alevin, en tot arténher eth tresau lòc deth pòdium dera classificacion generau per equipes.
Era equipa de Girosona se portèc era medalha d’aur e era equipa de Tarragona s’emportèc era d’argent.
Vielha, 21 de mai de 2019
Conselh Generau d’Aran: Núria Sanjuan
Informacion e fotos: Vielha Swim Team