Estudi sus er estat de conservacion dera Trueita e eth Cabilat ena conca der arriu Garona

Eth Conselh Generau d’Aran a encargat ara enterpresa GESNA Estudios Ambientales, SL, er estudi sus er estat de conservacion actuau dera truita comuna (Salmo trutta) e eth cabilat (Cottus hispaniolensis), ena conca der arriu Garona, entà hèr eth seguiment poblacionau d’enguan 2015.

cavilat

 

Es trabalhs s’an realizat a trauès d’ua campanha de mòstres en 16 estacions, mejançant pesca electrica entà determinar era densitat, biomassa e estructura poblacionau dera truita comuna e eth cabilat, atau coma ua avaloracion dera qualitat der abitat d’aguestes espècies.

Cau auer en compde qu’er arriu Garona a era diferenciacion d’èster ua conca atlàntica centreeuropea, çò que determine era preséncia de dues espècies singulares: era truita comuna, de grana importància socioeconomica, e eth cabilat, espècia endèmica declarada en perilh d’escandilhament.

Es grèus aiguats der an 2013 ena Val d’Aran ahigeren encara mès pression sus aguestes importantes espècies, per çò qu’eth Conselh Generau d’Aran a impulsat aguesta e d’autes accions, que s’amièc a tèrme des deth departament d’Agricultura, Ramaderia e Miei Naturau damb era recenta liberacion de 75 exemplars de cabilat neishudi en Centre de conservacion Camadoca ar arriu Aiguamòg, entà favorir era repoblacion ena conca deth Garona, includida en programa LIFE + LimnoPirineus.

Tant es repoblacions coma aguest estudi sus era conservacion des dues espècies, serviràn a preparar de manèra excellenta era sason de pesca der an 2016 ena Val d’Aran.

Comments are closed.