Eth Conselh Generau d’Aran bastís ua passarella en Salient

2016 05 19 pas. salient (1)

 

Eth Conselh Generau d’Aran, a trauès dera empresa Servicis Ambientaus dera Val d’Aran (SAVA S.L) a bastit ua passarella en Salient, en tèrme municipau de Vilac, entà per’mor de melhorar es condicions d’accès qu’ei laguens dera rota 11 (vermelha) deth Centre BTT.

Jordi Gavaldà, tecnic deth Conselh Generau d’Aran, a manifestat “enquiara non se podie crotzar er arriu sense banhar-se es pès e ère fòrça perilhós ena primauera. A compdar d’enguan s’a hèt ua petita modificacion en itinerari e ja se pòt passar per aguesta passarella de forma qu’era rota ja torne a èster deth tot operativa”.

Eth conselhèr d’Agricultura, Ramaderia e Medi Naturau d’Aran, Jose Enrique Arró, a hijut “damb eth bastiment d’aguesta passarella melhoram era pista de Salient fòrça concorruda pes vesins d’Aran e pes visitants que la utilizen coma rota entara practica dera BTT e eth senderisme”.

 

 

Vielha, 20 de mai de 2016

 

Conselh Generau d’Aran: Núria Sanjuan

Comments are closed.