Eth Conselh Generau d’Aran concedís eth Prèmi 17 de Junh as centres educatius dera Val d’Aran e es sòns professionaus

Damb aguest guerdon, eth govèrn d’Aran vò amiar a tèrme un arregraïment ara Escòla Aranesa, coma un des èishi vertebradors dera nòsta societat e element clau entath mantenement de promocion der aranés, atau coma reconeishement ar esfòrç e trabalh des sòns professionaus entà afrontar es ans dera pandèmia
Aguesta tarde s’a amiat a tèrme tanben er acte d’entrèga des 14au Prèmis de Diboish ena Escòla, 1èr Concors de Cuertmetratges, 31au edicion deth Concors Mn Condò Sambeat e 17au edicion deth Concors Aran de Literatura
Pendent eth sòn discors, era sindica d’Aran a hèt referéncia ara delicada situacion que trauèsse era nòsta lengua e a tornat a reivindicar eth besonh de compdar, per un costat, damb recorsi e mieis entath sòn mantenement e, per un aute, damb complicitat politica e institucionau, atau coma damb militància sociau entà evitar era desaparicion der aranés

Aguesta tarde a auut lòc er acte d’entrèga des Prèmis Literàris e Prèmis 17 de Junh deth Conselh Generau d’Aran, un acte en quau era sindica d’Aran, Maria Vergés, a volut hèr especiau èmfasi ena delicada situacion que trauèsse era nòsta lengua pròrpria: “er aranés viu ua situacion d’extrema gravetat e a arribat era ora d’estar-ne conscients e actuar damb rapidesa e, tanben, damb fermesa. Er emplec sociau dera nòsta lengua, segontes es donades dera darrèra enquèsta d’usi lingüistics, non arribe ath 20%. Ei a díder, er aranés se trape ath limit dera sua superviuença, e tot e qu’eth coneishement reglat dera lengua a aumentat, aguest aument non se traslade en un emplec en carrèr de forma abituau”.

En sòn discors, era sindica destacaue que “tà evitar era mòrt dera nòsta lengua ei de besonh compdar damb recorsi e mieis damb es qu’actuaument non compdam, e tanben damb complicitat politica e institucionau e damb militància sociau. Ei per aquerò que coma sabetz, deth govèrn deth Conselh Generau d’Aran auem sollicitat ara Generalitat de Catalunya, per un costat, era revision deth traspàs competenciau en matèria de lengua e cultura entà actualizar-lo, pr’amor qu’en mès de 30 ans non s’a revisat, e per aute, reajustar era relacion entre Conselh e Generalitat entà possar eth lideratge deth Conselh Generau d’Aran en aguesta matèria”.

Prèmis 17 de Junh

Enguan, eth govèrn aranés a decidit autrejar eth Prèmi 17 de Junh as centres educatius aranesi coma mòstra de reconeishement ath trabalh qu’era Escòla Aranesa a amiat a tèrme pendent es sòns 38 ans d’istòria e, fòrça especiaument, pendent es dus ans d’emergéncia sanitària que venguem de patir.

“Ath long dera sua istòria, era Escòla Aranesa a estat un des èishi vertebradors dera nòsta societat, en tot èster clau tara normalizacion dera nòsta lengua pròpria e tà consolidar un modèl educatiu pròpri que, damb eth temps, s’a demostrat coma un modèl d’exit” explicaue era sindica, que higie: “ath delà, pendent es dus darrèri ans, damb era pandèmia, es centres educatius e es sòns professionaus an auut d’afrontar ua situacion naua e complèxa que les a obligat a reinventar-se, eth barrament des escòles les forcèc a passar der ensenhament presenciau ara educacion a distància en qüestion de dies, damb eth sofreesfòrç qu’aquerò supausèc. Era pandèmia a metut de relhèu eth papèr trascendentau qu’exercís era escòla e es sòns professionaus ena societat e, en cas dera Val d’Aran, non a estat ua excepcion”.

Es prèmis 17 de junh an era finalitat de reconéisher e arregraïr annauments as persones, collectius o entitats que, pr’amor des sòns merits, an destacat pes servicis prestadi ara Val d’Aran enes diuèrsi encastres dera vida sociau, culturau, esportiva o economica, en tot dignificar es sòns pròpris encastres e aunorar ath país. Aguesti guerdons prenen caractèr de prèmis nacionaus d’Aran.

Prèmis Literaris, de Diboish e Cuermetratges

D’un aute costat, aguesta tarde s’a amiat a tèrme tanben er acte d’entrèga des 14au Prèmis de Diboish ena Escòla, 1èr Concors de Cuertmetratges, 31au edicion deth Concors Mn Condò Sambeat e 17au edicion deth Concors Aran de Literatura.

Era sindica d’Aran a volut “arregraïr a toti es participants era predisposicion a participar en aguesti concorsi qu’ajuden a Aran a mantier viua era nòsta lengua, er aranés, e era nòsta identitat a trauès dera literatura, er art e, per prumèr còp, es contenguts audiovisuaus” e a felicitat tanben a toti es guanhadors e guanhadores d’enguan, qu’an estat:

14au Concors de Diboish ena Escòla

Categoria 1èr e 2au de Primària

2au Accèssit, a Hugo Cau Sanglada

1èr Accèssit, a Biel Gregorio Valls

Finalista a Aran Fañanas Mendoza

1èr Prèmi a Iria Bernal Pérez

Categoria 3au e 4au de Primària

2au Accèssit a Lina Trabelsi

1èr Accèssit a Martina López de Haro Allievi

Finalista a Clàudia Balcells Lorente

1èr Prèmi a Hugo Ginzo Hinojosa

Categoria 5au e 6au de Primària

2au Accèssit a Mara Carrera Sánchez

1èr Accèssit a Aleix Arribas Peña

Finalista a Eugenia Nieto Torres

1èr Prèmi a Arianne Liv Quiroga López

1èr Concors de Cuermetratges

Prumèr Prèmi dera Categoria Infantila as alumnes de P3 e P5 dera Escòla Castèth-Leon des Bòrdes peth cuertmetratge titulat “Era Naua Companha”.

Prumèr Prèmi dera Categoria de Primària as alumnes de 1èr e 2au de Cicle Iniciau dera Escòla Sant Ròc de Bossòst peth cuertmetratge titulat “Rebellion en uart”.

Prumèr Prèmi dera Categoria ESO as alumnes de 4au d’ESO der Institut d’Aran peth cuertmetratge titulat “Trincar era cadea”.

31au Concors Mn. Condò Sambeat

Nivèu A

Categoria Poesia

2au accèssit ara òbra “Eth mèdi ambient” d’Anas Largo

1èr accèssit ara òbra “Era mia amiga” de Sandra Chacón Combalié

Finalista ara òbra”Entornejada pera escuretat” de Martina Balcells Lorente

1èr Prèmi ara òbra “Es 5R: 5 possibilitats” de Bernat Rodríguez Tellosa

Categoria Narracion

2au accèssit ara òbra “Era Val magica” de Martina Balcells Lorente

1èr accèssit ara òbra “Era lectura s’acabarà?” d’Arnau Domínguez Tellosa

Finalista ara òbra “Es sasons” de Sandra Chacón Combalié