-
Era cultura e era lengua aranesa, protagonistes ena tradicionau serada de liurament de prèmis.
Eth Conselh Generau d’Aran a celebrat aguest deluns era solemna ceremònia d’autrejament des prèmis des concorsi literaris e audiovisuaus 2026, un acte que cada an met en valor era creativitat, era promocion dera lengua aranesa e eth talent de mainatges, joeni e adults d’Aran e des territòris vesins.
Era ceremònia s’a iniciat damb era interpretacion dera pèça Canterèi ton sorríser, a cargue dera cantaira e poetessa Paulina Kamakine, acompanhada de Primael Montgauzi, autor dera composicion. Era artista, qu’a participat en quauqu’ues des edicions des prèmis literaris aranesi, a contribuït a crear un ambient emotiu e de hèsta ath long dera serada.
Er acte a compdat damb era preséncia deth sindic d’Aran en foncions, Francisco Bruna, representants institucionaus, membres des diferenti jurats, professionaus dera docéncia, familhes e persones participantes enes concorsi.
En acte s’a volut reconéisher era dedicacion des membres des jurats deth 26au Prèmi Aran de Literatura, deth 36au Concors Literari Mn. Condò Sambeat, deth 5au Concors de Cuertmetratges en aranés e deth 2au Concors de TikTòc en aranés. Eth Conselh Generau d’Aran les a arregraït eth sòn compromís e eth trabalh hèt entà avalorar es òbres presentades e garantir eth prestigi d’aguesti prèmis.
Es guanhadors de cada categoría an estat:
Concors Cuertmetratges
Categoria Infantila
-2au prèmi ath cuert Ua leçon magica des mainatges e mainades de I5 dera Escòla Garona de Vielha.
-Prumèr Prèmi ath cuert Quan es pairs-sénhers hèn clic! des alumnes d’I3, I4 e I5 dera Escòla Sant Ròc de Bossòst.
Categoria Primària
- Cicle Iniciau e miei
-Finalista ath cuert Organic des alumnes de 2au dera Escòla Garona de Vielha.
-Prumèr Prèmi ath cuert Cap de pantalha pòt substituïr a un mèstre des alumnes de 3au e 4au dera Escòla Sant Ròc de Bossòst.
- Cicle Superior
-Finalista ath cuert Naues tecnologies des alumnes de 5au e 6au dera Escòla Castèth-Leon d’Es Bòrdes.
-Prumèr Prèmi ath cuert Tot ath sòn temps! des alumnes de 5au e 6au dera Escòla Estudi Alejandro Casona de Les.
Categoria adults
Eth Jurat sonque a autrejat eth dusau prèmi, ei a díder Finalista en aguesta categoria, ath cuert Damb uelhs de guardar deth Centre de Formacion d’Adults d’Aran.
En aguest concors sonque s’a presentat un trebalh mès qu’a estat ben avalorat peth Jurat qu’a considerat oportun autrejar-li un Prumèr Prèmi ath tictòc “ Va de Cinèma” deth Centre de Formacion d’Adults dera Val d’Aran.
36au edicion deth Concors Literari Mn Condò Sambeat:
Nivèu A
Categoria Narracion
-2au accèssit ara òbra Un rally discapacitat de Ferran Gonçalves Cuni
-1èr accèssit ara òbra Era grana aventura d’Emilia Barbosa Tascón
-Finalista ara òbra Bunker 111 de Quim Bravo Garciolo
–Prumèr Prèmi ara òbra Eth futur ei apròp de Mariona Moreno Gómez
Categoria Poesia
-Accèssits as òbres Eth isard de Victorin Scordia e Lilian Espouy e Un polit adiu de Mariona Moreno Gómez
-Finalista ara òbra Era guèrra d’Emilia Barbosa Tascón
-Prumèr Prèmi ara òbra Era beresa de lo simple de Paula Prado Cabrera
Nivèu B
Categoria Narracion
-Finalista ara òbra Un an american de Paola Troncoso Safont.
-Prumèr Prèmi ara òbra Un lòc entà èster jo! d’Alba Costa Barbosa
Categoria Poesia
-Accèssit as òbres Patinatge de Valentina Huza Haratau e Era mia manèra d’estimar de Noa Arroyo Puyol.
-Finalista ara òbra A sentit era guèrra? de Clàudia Balcells Lorente.
-Prumèr Prèmi ara òbra Eth silenci dera aigua d’Alba Costa Barbosa.
Nivèu C
Categoria Narracion
–Accèssit as òbres Jos pression de Miriam Obis Sanjuan e Eth principi d’ua naua vida de Quer Sanabria Aparicio.
-Finalista ara òbra Non campes jos eth lhet de Tamara Peredo Ortuño.
-Prumèr Prèmi ara òbra Eth darrèr desir de Mariona Monge.
Categoria Poesia
-Accèssit as òbres Abantes de que sigue tard d’Érika Solé Peremartí e Eth son dera Val d’Aran d’Ares Vecino Porcher
-Finalista ara òbra Quan er arriu arrebrembe de Celia Iglesias Lorenzo
-Prumèr Prèmi ara òbra Sonder de Martina Menis Costa.
XVIau edicion deth Prèmi Aran de Literatura
Categoria Narracion
-2au accèssit ara òbra A Contrebriu de Benoit Larradet.
-1èr accèssit ara òbra Florinda d’Ana Cuito Bautista.
-Finalista ara òbra Qui care, autrege de Clara Estrada Enseñat.
-Prumèr Prèmi ara òbra Demanda a la còla de Jean Claude Puech.
Categoria Poesia
-2au acèssit ara òbra Plan a guanhar de Francesc Vall-llobera Canet.
-1èr accèssit ara òbra Com brembar-me de desbrembar-te? de Laura Rodríguez Palacín.
-Finalista ara òbra Omnicentric e retrolexicau de Renaud Lasalle.
-Prumèr Prèmi ara òbra primARBEra de Xavi Gutiérrez Riu.
Era jornada a servit tanben entà reivindicar era importància des centres educatius aranesi ena promocion dera lengua pròpria e dera creacion culturau. Es escòles d’Aran e er Institut d’Aran, amassa damb eth Centre de Formacion d’Adults, an tornat a demostrar era sua implicacion ena participacion enes diferentes categories convocades.
Eth Conselh Generau d’Aran vò felicitar a totes es persones premiades e participantes e reïterar eth sòn compromís damb era promocion dera lectura, era escritura, era creacion artistica e er usatge der aranés en toti es sectors dera vida sociau e culturau.
Aguesti prèmis s’an convertit, ath long des ans, en ua des trobades mès importantes deth calendari culturau aranés, en tot contribuir a mantier viua era lengua e a fomentar era participacion des naues generacions ena vida culturau deth país.
Vielha, 19 de junh de 2026