Eth Govèrn d’Aran ena darrèra reünion der an 2015 a aprovat eth pagament de subvencions autrejades a trauès des desparièrs convènis de collaboracion entre eth Conselh Generau d’Aran e es associacions araneses de caractèr sociau, culturau, esportiu e pagés, qu’an acreditat corrèctaments poder arrecéber aguest tipe d’ajudes economiques.

era Associacion Volentaris Val d’Aran arrecuelhec eth IIIau Prèmi Collaborador e Espòrt Pitu Figueras 2015, en reconeishença as valors der espòrt

Atau entre d’auti eth Govèrn d’Aran a concedit ua subvencion de 8.000 € a Cáritas Val d’Aran, entà contribuïr ath prètzhèt d’ajuda as persones e as familhes mès desfavorides qu’amie a tèrme pendent tot er an aguesta entitat.
Eth Govèrn d’Aran tanben subvencione as clubs esportius aranesi, coma CAEI e CEGVA entre d’auti, peth trabalh que desvolòpen en contorn der espòrt aranés e ena formacion en valors a trauès des fondaments der espòrt des esportistes. Tanben s’an autrejat ajudes en contorn culturau, e en deth volontariat coma ei eth cas dera associacion de Volentaris d’Aran.

En d’aute orde de causes eth Govèrn d’Aran a incrementat es subvencions qu’autrege as desparières associacions d’elevatge dera Val d’Aran criadors de bestiar ovin, bovin e cavalar, entà contribuïr ath pagament dera despensa d’atencion sanitària veterinària des animaus. Eth Govèrn a concedit subvencions per un impòrt de 15.000 € cadua des associacions de pagesi aranesi.

Representants dera Associacion de criadors deth shivau de raça “Cavall Pirenenc- Català” dera Val d’Aran