Eth Les guanhador dera Copa Federacion

copa federació LES
Era AF Les se proclamèc eth dissabte, 4 de junh, en Torrefarrera campion dera Copa Federacion de Quatau Catalana en tot superar claraments (0-3) un Butsènit que li passèc factura era participacion ena Copa Catalunya. Es aranesi, subcampions deth grop 21, finalizèren atau ua grana sason, en tot guanhar còmodament ath campion deth grop 22 gràcies a un hat-trick de Rubén Rella, que siguec eth protagonista deth partit.

Dempús des prumèrs menutes, eth Les comencèc a crear perilh e as 13 menutes artenhec auançar-se en mercador damb era prumèra diana de Rella. Maugrat eth punt en contra, eth Butsènit auec diuèrses ocasions, mès non obtenguec neutralizar eth punt iniciau des aranesi e ena pausa s’arribèc damb eth 0-1.

Ja ena dusau part, es campions sigueren dominadors e gaudiren des melhors oportunitats. Atau, Rella merquèc eth dusau entath Les as 61 menutes, en tot méter contra es còrdes as dera Noguera. Ja enes darrèri instants dera finau, Rella sentencièc damb eth tresau punt entàs aranesi.

 

 

 

Vielha, 6 de junh de 2016

 

Conselh Generau d’Aran: Núria Sanjuan

Comments are closed.