Pendent era dimenjada passada, se disputèc ena estacion de Boí Taüll, eth Trofèu GER, de categoria U12 e U10. Damb ua notòria participacion deth Club Aranés Espòrts d’Iuèrn (CAEI): 32 participants des 147 totaus.
Çò que tanh as resultats, es corredors deth CAEI demostrèren un aute viatge èster entre es prumères posicions maugrat era intensa calor que hec pendent eth maitin. En tot començar damb es mès grani, U12: eth club artenhec es prumèrs lòcs ena categoria masculina: 2au, 3au, ath delà de 6au, 7au, e 10au. En tot arténher atau hicar a 5 corredors entre es 10 prumèrs. Ena madeisha categoria de genre femenin obtiegen eth 5au e 8au lòc.
Tanben cau soslinhar era actuacion des mès petiti dera categoria, en U10. Es quaus amièren a tèrme ua manja. Es gojats obtengueren eth 2au, 7au, 9au e 10au lòc. En tot arténher èster 4 gojats entre es 10 prumèrs deth classament. Per part des gojates 1èr, 5au e 6au lòc.
U12
2au Vicente Munilla
3au Matthew Zoido
5aua Julia Guinart
U10
2au Marti Ubeira
3au Laurenç Bonillo
1a Maialen Ros
5aua Cristina Izquierdo
Pera sua banda, entara equipa d’Interclubs siguec un dimenge diferent, pr’amor que se desplacèren enquiara estacion de La Molina tà disputar ua Combirace. Eth traçat tractaue de dubis, peralts, sauts e dus gigants. O sigue, un traçat divertit, variat e diferent ath que èm acostumadi e en quau s’obtengueren es següents resultats:
U14: 2a Arantza Vidal
U16: 3aua Júlia Feixa
VET B: 2au Pep Fernández
Ena U14 participèren en casa (Baqueira Beret) en tot disputar eth Memorial Montse Corominas organizat peth CEVA a on eth corredor deth CAEI, Lluc de Castellarnau, artenhec era dusau posicion en GS. Lluc forme part deth programa de Pre Tecnificacion d’esquí aupin subvencionat peth Conselh Generau d’Aran.
Soslinhar qu’es corredors deth prumèr an Marc Ubeira e Eneko Ros obtengueren fòrça boni resultats en classificar-se ena cincau e siesau posicion respectivaments en GS, e era quatau (Marc Ubeira) en SL.
Mès informacion: http://www.caei.es/
Vielha, 25 de hereuèr de 2019
Conselh Generau d’Aran: Núria Sanjuan
Informacion e fotos: CAEI