Er Airau de Lengua deth Conselh Generau d’Aran aufrís un recors entara mainadèra en forma de conde animat: Es crabetes e eth lop.
Ei ua animacion interactiva hèta a partir d’un conde liejut e enregistrat pes escolans deth CEIP de Salardú en 1996. Ère part deth projècte ME CONDES UN CONDE?, damb materiau educatiu elaborat peth Centre de Recorsi Pedagogics dera Val d’Aran.
Aguest document audiovisuau e interactiu a estat desvolopat pera entrepresa Aran Media Cultura a compdar dera cinta d’àudio originau e eth dossièr escrit e editat entà liéger e trabalhar era comprenença deth conde. Entà implementar era part animada, visuau e interactiva s’an dessenhat es personatges deth conde e tota era part grafica de besonh. Eth document compren tres blòcs: un prumèr a on se pòt escotar eth conde damb es imatges, un dusau entà liéger eth tèxte e un tresau entà respóner es qüestions sus era narracion.
Damb aguesta edicion interactiva s’a volut recuperar e profitar documents sonòrs existents que damb lèu trenta ans ja an ua valor istorica e antropologica ena normalizacion der aranés.
Podetz veir e escotar eth conde ena plana web der aranés: